Hoxe tráiovos un vídeo que fixen para a materia de informática que fala dun tema moi serio como é a VIOLENCIA DE XÉNERO.
Nesta tarefa tiñamos que realizar un vídeo relaccionado co maltrato cara á muller. Eu e mais o meu compañeiro David, inspirámonos nunha película que trata sobre a violencia de xénero: Te doy mis ojos.
Esta cóntanos como Pilar, a protagonista, sofre as violentas condutas do seu marido. Pero o problema non é só é que o maltratador abuse da muller, senón que tamén é culpa da nai que non axuda á súa filla.
Este traballo mandáronnolo facer en honra ao Día Mundial Contra a Violencia de Xénero. Cada ano morren moitas mulleres a mans dos seus propios maridos e pensamos que isto debe finalizar. Por isto, cada ano, fanse campañas en contra e tómanse medidas. Aos poucos, está a conseguirse pero aínda queda moito camiño por percorrer.
Para facer este vídeo, utilizamos unha aplicación de Google Drive: WeVideo. Esta aplicación é bastante útil, aínda que deixa marca de auga. En canto á tarefa, pareceunos fácil e algo longa, pero a súa finalidade meréceo.
Ningún comentario:
Publicar un comentario