Esta tarea fíxena coa miña parella de informática David Fernández. Consistía en reproducir unha figura de modelo (que nos deu o noso profesor Ángel) no SketchUp acotada. O SketchUp é un programa que permite realizar figuras en 3 dimensións.
Déixovos aquí un vídeo titorial que vos axudará a usalo.
A nós axudáronnos dous compañeiros que xa o tiñan feito. Despois de que nos explicaran algunhas cousas pareceunos fácil e conseguimos rematar a peza en pouco tempo.
Antes de usar o SketchUp comezamos sacando fotos das súas vistas (alzado, perfil e planta), xa que só poidemos ter un día a maqueta. A continuación debuxamos nunha folla en branco as súas vistas.
Alzado:
Móstranos como se ve o obxecto frontalmente. Débese escoller como alzado a vista que nos aporte máis información ou a que nos pareza que o describa mellor.
Perfil:
Móstranos un dos dous lados da figura, neste caso, o dereito.
Planta:
Nela represéntase a parte superior do obxecto.
Ao representalas no papel é moi importante a súa colocación. Se queremos debuxar o perfil dereito debúxase á esquerda do alzado, pero se queremos representar o perfil esquerdo, este situaríase á dereita do alzado. A planta debúxase xusto debaixo do alzado.
Despois disto creamos a nosa peza no SketchUp con axuda duns compañeiros, como xa dixen antes.
Primeiro creamos un cadrado (que é a base) de 120 milímetros de lado e elevámolo 30 mm. A continuación, seguimos coa parte superior. Custounos facer a rampa, pero o demais non tiña moita máis complicación.
Para rematar eliminamos as liñas que sobraban, pintámola e acotámola. Isto últimos non nos quedou moi ben, porque algunhas liñas pasan por encima da figura.
Para subila ao blog de cada un, buscamos o mellor ángula no que se vexan todas as acotacións e exportámola como imaxe, é dicir, en 2D.
O resultado final é este. Espero que vos guste!
Ningún comentario:
Publicar un comentario